(Verse 1)
When I was a kid I never think this day would come
Never had a dream two daughter si di sun
Now we getting money, mixing Henny with di rum
Thank God I never dead inna mi time busting gun
So every ghetto youth unuh fi listen to mi song
All di sufferation naw go last too long
Long as yo have drive and yo have ambition
Set yo goals dem high then yo stick to di plan
It started out 2005
Sherlock di worlock a hustle fi survive
9-5 couple thing pon di side
Mi no proud a mi pass but food haffi provide
One day mi brother seh, a music hi no
Jah gi wi di talent, wi better use it hi no
And from da day deh a just di music mi seh
Stand up firm pon di path and never yet stray weh
Ghetto youth no meck dem tell yo seh yo cyaa be di man
Wa dem a chat, no matter than, no intimidation
Cause anything yo waan be, yo can be the one
From yuh have ambition, ambition, ambition
Mi seh di one word 3 time inna di song
That mean seh a that mi a emphasize pon
So wa si plan, di road tough, di journey long
But yo go fi yo dream without hesitation
(Chorus)
Ghetto youth, anything yo waan bi yo can bi
From yo street smart then yo wi understand mi
No meck dem call yuh cruff nor handicap
Just believe inna yo self and yo have to shot
Cause anything yo waan bi yo can bi
From yo street smart then yo wi understand mi
No meck dem call yuh cruff nor handicap
Caw yo have to shot
(Verse 2)
This is a freestyle but it have a chorus
Everything a come from mi heart nothing no bogus
Team no sleep represent fi di youths dem
Seh wi haffi teach dem before di devil reach dem
All government a use dem
Or politician use dem or meck police use dem
Mi no talk and left no loose end
All though mi never use pen mi talk and mi tired fi lose friend
Member seh wi did a come from zero
Killer, Beenie, Shabber, Buju, Ninja was wi hero
To di top dem never want a youth from di street go
Dem naw help but dem wuick fi talk bout ego
So ghetto youth no bother listen when dem talk
Do no bother meck dem seh wi fool or wi dark
Just work and gwaan hold it like a gully mullet
And when yo get yo chance just run it and done it
(Repeat Chorus)
