(Intro)
Some man smile with yo today and chat yo tomorrow
Waan si yo inna grave weh shallow
Is like all a mi friend dem waan kill mi
Mi a go look two friend fi barrow

(Chorus)
Somebody please lend mi a friend
Somebody just lend mi a friend
Nuff man a pray to the lord fi forgiveness
But Jah, Jah, ,i a pray fi a friend

Somebody please lend mi a friend
Somebody just lend mi a friend
Yea nuff man a pray fi riches but
Mi a pray fi a friend

(Verse 1)
Brickston, mi show all a mi friend dem love
But dem no have none fi mi
Mi always try look out fi everybody
Dem still no have no love fi mi
Is like dem waan si mi inna casket
Or police a come fi mi
Dem same one start bout yo hyoe and switch
When yo low out dem company
But how wi fi spar when yo get up and a chat mi
Man a rise and yo waan si dem stop mi
If you hear seh mi a talk bad bout you
Anytime yo si mi you fi ask mi
Dem a move fake like a dolly from china
Wonder if dem a work off a battery
Likkle money start meck and every man start chee
Mi would a dead, dead, mi win the lottery

(Repeat Chorus)

(Verse 2)
All when dem a wish the worst fi mi
God know seh mi naw wish bad fi dem
Believe mi a bwoy haffi kill mi first
If mi ever hear him a plan fi dem
And if dem ever tell mi seh dem broke or dem hungry
Mi wi take mi last grand gi dem
And anytime mi touch pon the plan
If a even a shirt, or a shoes, or a pants fi dem

But how wi fi spar and yo git up and a chat mi
Man a rise and yo waan si dem stop mi
If yo hear seh mi a talk bad bout you
Anytime yo si mi you fi ask mi
Dem a move fake like a dolly from china
Wonder if dem a work off a battery
Likkle money start meck and every man start chee
Mi would a dead, dead, mi win the lottery

(Repeat Chorus)