(Intro)
Yow poor a get cut off
Hungry get cut off
Gimmi mine when mi work an no gimmi no bag a talk
Nuff, nuff, road man walk
From sun rise until dark
Trying to find fi mi food like a something weh lost

(Chorus)
But mi hear dem seh man shall no live by bread alone
But leave my bread alone
Yea leave my bread alone

So mi a tell dem yo better no trouble mi bread
Do no trouble mi bread
No waan no trouble, mi no waan fi go trouble the lead
So no trouble mi bread
Do no go trouble mi bread yea
No trouble mi pot weh a bubble wid supn fi head

(Verse 1)
Caw fi dem own in no inna no bag a talking
50 days and 40 nights mi hustling an fasting
Naw go si mi sit down an a do no bag a asking
Hustle fi the money waan mi bankbook everlasting
Try fi meck it often, fi set it fi mi offspring
Cause nothing no come easy pon dem roads yah weh wi walking
Waan my own yah no mi naw wait pon no other time yeh
An every mikkle make a muckle, man a scrape every dollar coin yeh

(Repeat Chorus)

(Verse 2)
Deh pon the crine yah no yo naw go si mi ease up
Big up every stally weh juggle Guinness an peanut
Eye dem open wide when man a hustle caw the street rough
Naw tell you fi watch no body but you haffi pree nuff
Wi hustle round the clock, yo know wi a go hard an
No watch no face wi naw beg nobody no pardon
Some people sit down an mi name dem just a call pon
No waan mi pocket fot up like a salt weh yo si salt pon
Waan my own yah now mi naw wait pon another time yeh
An every mikkle make a muckle, man a scrape every dollar coin yeh

(Repeat Chorus)

(Repeat Intro)

(Repeat Chorus)