(Intro)
Best friend a come fi take yo life
A the worst thing you could ever si
Teflon how can a man weh you a spar wid from yo born
Turn round be a enemy

Wi no waan no friend from dem
Caw dem heart it full up a jealousy
A the Two a wi usto share a flass a rum
Now yo waan kill mi fi Hennessy

(Chorus)
But how mi fi trust yo an mi no certain
Weh you a do behind curtain
Nuff a dem seh dem a yo friend
When yo check it out dem is a different person

Dem no waan si yo dribble like Berten
Dem waan you live yo life inna burden
How you fi seh mi a yo friend
When mi check it out you is a different person

(Verse 1)
Because nuff a dem waan si yo head back shell out
Same way my likkle friend got sell out
No know how fi si the sarge an an lock dem mouth
Cyaa come inna mi quarters Cronixx lock dem out
Seet clear dem no with mi
But dem cyaa stop Selassie high pickiny
Tho the road slippery me get the victory
Teflon fly over badmind quickly

Because dem evil, dutty heart badmind people
Watch everything that we do
Sit down an plan up fi kill you
Yeh a good thing seh mi know jah
Or mi would a be a falling soldier
Meck mi tell you badmind cyaa get mi off a deh road yah
So stop spend yo money paw obia

(Repeat Chorus)

(Verse 2)
Dem would a waan mi charge fi murder
Accuse mi fi things weh mi never yet herd a
But mi naw play fi chop off the friendship
Before the linkage go no further
Some a dem wi sell you out fi a burger
Waan paint yo white tees inna red dem a burger
Some a dem switch an go snitch
An waan yo get stitch
Mi haffi wonder if the bwoy dem a Sergent

Evil, dutty heart badmind people
Watch everything that we do
Sit down an plan up fi kill you
A good thing seh mi know Jah
Or mi would be a falling soldier
Badmind cyaa get mi off a deh road yah
So stop spend yo money pon obia

(Repeat Chorus)

(Repeat Intro)